പഴം പൊരി

ഏത്തപ്പഴം - 2

മൈദ - 1 കപ്പ്‌

മഞ്ഞള്‍പ്പൊടി - 1/4 ടീസ്പൂണ്‍

ജീരകം - 1/4 ടീസ്പൂണ്‍

ഉപ്പ്‌ - ആവശ്യത്തിന്‍

പഞ്ചസാര - 2 ടേബിള്‍ സ്പൂണ്‍

വെള്ളം - ആവശ്യത്തിന്‍

വെളിച്ചെണ്ണ - മുക്കിപ്പൊരിക്കാന്‍ പാകത്തിന്‍

അരിപ്പൊടി - 1 ടേബിള്‍ സ്പൂണ്‍

തയ്യാറാക്കുന്ന വിധം

പഴം നീളത്തില്‍ മുറിച്ച്‌ കഷ്ണങ്ങളാക്കുക.

മൈദ,ജീരകം,പഞ്ചസാര,ഉപ്പ്‌ ,അരിപ്പൊടി,

മഞ്ഞള്‍പ്പൊടി എല്ലാം വെള്ളം ചേര്‍ത്ത്‌

കുഴമ്പ്‌ പരുവത്തിലാക്കുക.

എണ്ണ ചൂടാക്കി , തയ്യാറാക്കി വെച്ചിരിക്കുന്ന മാവില്‍ പഴകഷ്ണങ്ങള്‍ മുക്കി, എണ്ണയില്‍ ഇട്ട്‌ മൊരിച്ചെടുക.

ചെറുപയര്‍ തോരന്‍

ചെറുപയര്‍ - 200gm
സബോള - 2
കടുക് - 1/2 ടീസ്പൂണ്‍
ഉഴുന്ന് - 1/2 ടീസ്പൂണ്‍
വേപ്പില - 1 തണ്ട്
വെളിച്ചെണ്ണ - ആവശ്യത്തിന്
ഉപ്പ് - ആവശ്യത്തിന്


ചെറുപയര്‍ വേവിച്ചു വെക്കുക. വെളിച്ചെണ്ണയില്‍ കടുക് , ഉഴുന്ന് ,വേപ്പില , സബോള എന്നിവ മൂപ്പിക്കുകഅതിലേക്ക് വേവിച്ച ചെറുപയര്‍ ചേര്‍ക്കുക.

ബീഫ് മസാല

ചേരുവകള്‍ ബീഫ് - 1 kg 
തക്കാളി അരച്ചത് - 2 എണ്ണം  
സബോള - 2 എണ്ണം  
പച്ചമുളക് അരച്ചത് - 3 എണ്ണം
  ഇഞ്ചി അരച്ചത്- 1 കഷ്ണം
  വെളുത്തുള്ളി അരച്ചത് - 10 അല്ലി  
മുളക് പൊടി - 1 ടീസ്പൂണ്‍ 
മല്ലിപ്പൊടി - 1 ടീസ്പൂണ്‍ 
മഞ്ഞള്‍പ്പൊടി - 1 ടീസ്പൂണ്‍ 
ഗരം മസാല - 1 ടീസ്പൂണ്‍ 
ബീഫ് മസാല - 2 ടീസ്പൂണ്‍ 
വേപ്പില - 2 തണ്ട്  
ചുവന്ന മുളക് - 3
ചെറിയ ഉള്ളി - 3
വെളിച്ചെണ്ണ - ആവശ്യത്തിന്
കടുക് - ആവശ്യത്തിന്
ഉപ്പ് - ആവശ്യത്തിന്
വെള്ളം - ആവശ്യത്തിന്

തയ്യാറാക്കുന്ന വിധം

ബീഫ് 1/2 കപ്പ് വെള്ളം , ഉപ്പ് , മഞ്ഞള്‍പ്പൊടി ,ഇഞ്ചി അരച്ചത് , വെളുത്തുള്ളി അരച്ചത് , പച്ചമുളക് അരച്ചത്എന്നിവ ചേര്‍ത്ത് വേവിക്കുക. വെന്തു കഴിഞ്ഞാല്‍ വെളിച്ചെണ്ണ ചൂടാക്കി കടുക് , ചുവന്ന മുളക് എന്നിവ ഇടുക.അതിലേക്ക് വേപ്പില , സബോള , തക്കാളി പേസ്റ്റ് എന്നിവ ചേര്‍ക്കുക. എല്ലാം നന്നായി വഴന്നശേഷം മുളക് പൊടി , മല്ലിപ്പൊടി , ഗരം മസാല ,ബീഫ് മസാല എന്നിവ ചേര്‍ക്കുക. ഇനി ഇതിലേക്ക് വേവിച്ചു വെച്ച ബീഫും കുറച്ച് വെള്ളവും ചേര്‍ക്കുക.ഒന്ന് വറ്റിക്കുക.അതിനു ശേഷം വേപ്പിലയും, സബോളയും ,മല്ലിയിലയും , മേല്‍ അലങ്കരിച്ച് അടച്ചു വെക്കുക

പൊടിക്കൈ

സ്റ്റീല്‍ പാത്രം വെട്ടിത്തിളങ്ങാന്‍ :
പാത്രം കഴുകുമ്പോള്‍ നാരങ്ങയുടെ തൊലി ഉപയോഗിച്ച്‌ തേയ്ക്കുക.


ഫ്ലാസ്കിലെ ചായക്കറ കളയാന്‍ :
ഫ്ലാസ്കില്‍ പേപ്പര്‍ തുണ്ടുകള്‍ ഇട്ടു കഴുകിയാല്‍ മതി.

പച്ചമുളക്‌ കേടുവരാതിരിക്കാന്‍ :
പച്ചമുളക്‌ ഞെട്ട്‌ കളഞ്ഞ്‌ വായു കടക്കാത്ത പാത്രത്തില്‍ ഇട്ട്‌ വെയ്ക്കുക

വേപ്പില കേടു വരാതിരിക്കാന്‍ :
വായു കടക്കാത്ത പാത്രത്തില്‍ ഇട്ട്‌ വെയ്ക്കുക.

കായ്കറികള്‍ കൂടുതല്‍
ദിവസം കേടുകൂടാതിരിക്കാന്‍ :

കായ്കറികളുടെ രണ്ട്റ്റ്‌ അറ്റവും മുറിച്ച ശേഷം പ്ലാസ്റ്റിക്‌ കവറുകളിലാക്കി ഫ്രിഡ്ജില്‍ സൂക്ഷിക്കുക.

പഞ്ചസാര ടിന്നില്‍ ഉറുമ്പ്‌ വരാതിരിക്കാന്‍ :
പഞ്ചസാര ടിന്നില്‍ 4 - 5 ഗ്രാമ്പൂ ഇട്ടു വെച്ചാല്‍ മതി.

തുണിക്ക്‌ മാര്‍ദ്ദവം കിട്ടാന്‍ :
തുണിയലക്കുന്ന വെള്ളത്തില്‍ അല്‍പം ഉപ്പ്‌ ചേര്‍ത്താല്‍ മതി.

ഉരുളക്കിഴങ്ങ്‌ സ്റ്റൂ

ഉരുളക്കിഴങ്ങ്‌ - 3
സബോള - 1 വലുത്‌
പച്ചമുളക്‌ - 2
ഇഞ്ചി - 1 കഷ്ണം
തേങ്ങാപ്പാല്‍ - 1/2 കപ്പ്‌
വെളിച്ചെണ്ണ - പാകത്തിനു
ഉപ്പ്‌ - പാകത്തിനു
വേപ്പില - 1 തണ്ട്‌


ഉരുളക്കിഴങ്ങ്‌,സബോള,പച്ചമുളക്‌,ഇഞ്ചി
എന്നിവ ഉപ്പിട്ട്‌ വേവിക്കുക. വെന്തുകഴിഞ്ഞാല്‍ തേങ്ങാപ്പാല്‍ ഒഴിക്കുക.വേപ്പില ചേര്‍ക്കുക.
ചെറുതായി ഒന്ന് തിളപ്പിക്കുക.അതിനു ശേഷം
വെളിച്ചെണ്ണ ഒഴിക്കുക.

കടലക്കറി

ആവശ്യമായ സാധനങ്ങള്‍

1. കടല - 250 ഗ്രാം
2. തക്കാളി - 1
3. ഇഞ്ചി - 1 കഷ്ണം
4. പച്ചമുളക്‌ - 2
5. മഞ്ഞള്‍പ്പൊടി - 1 ടീസ്പൂണ്‍
6. വേപ്പില - 1 തണ്ട്‌
7. കടുക്‌ - 1 ടീസ്പൂണ്‍
8. ഉപ്പ്‌ - ആവശ്യത്തിന്
9. എണ്ണ - ആവശ്യത്തിന്

വറുത്തരക്കാന്‍

1. മല്ലി - 1 ടീസ്പൂണ്‍
2. ചുവന്നമുളക്‌ - 3 എണ്ണം
3. വേപ്പില - 1 തണ്ട്‌
4. ചെറിയ ഉള്ളി - 3 എണ്ണം
5. തേങ്ങ - ഒരു മുറി

പാകം ചെയ്യുന്ന വിധം

1. കടല തക്കാളി, ഇഞ്ചി, പച്ചമുളക്‌,
മഞ്ഞള്‍പ്പൊടി, ഉപ്പ്‌ എന്നീ ചേരുവകള്‍
ചേര്‍ത്ത്‌ വേവിക്കുക.
2. മല്ലി , ഉള്ളി,വേപ്പില, ചുവന്ന മുളക്‌, തേങ്ങ എന്നിവ വറുത്തതിനു ശേഷം അരച്ചു വെയ്ക്കുക.
3. കടല വേവിച്ച ശേഷം അതിലേക്ക്‌ ഈ അരപ്പ്‌ ചേര്‍ക്കുക. ഒന്ന് തിളച്ചതിനു ശേഷം വാങ്ങി വെയ്ക്കുക.
4. എണ്ണയില്‍ കടുക്‌ മൂപ്പിച്ച്‌ വേപ്പില, ചെറിയ ഉള്ളി, എന്നിവ ചേര്‍ത്ത്‌ വറവിടുക.

മോരു കറി

ചേരുവകള്‍

മോര്‌- 1 കപ്പ്‌
കടുക്‌ - 1 നുള്ള്‌
ഉലുവ - 1 നുള്ള്‌
ജീരകം - 1 നുള്ള്‌
വേപ്പില - 1 തണ്ട്‌
ചുവന്ന മുളക്‌ - 2 എണ്ണം
ചെറിയ ഉള്ളി - 6 എണ്ണം
ഇഞ്ചി(അരിഞ്ഞത്‌) - 1 ചെറിയ കഷ്ണം
വെളുത്തുള്ളി - 4 എണ്ണം
പച്ചമുളക്‌ - 2 എണ്ണം
തക്കാളി - 1 പകുതി കഷ്ണം
മഞ്ഞള്‍പ്പൊടി - 1/2 ടീ സ്പൂണ്‍
ഉപ്പ് - പാകത്തിന്
എണ്ണ - പാകത്തിന്

പാകം ചെയ്യുന്ന വിധം

എണ്ണയില്‍ കടുക്‌ പൊട്ടിച്ചതിനു ശേഷം ഉലുവ ,ജീരകം,വേപ്പില,ചുവന്ന മുളക്‌ എന്നിവ വഴറ്റുക.
അതിനു ശേഷംഇഞ്ചി,വെളുത്തുള്ളി,
പച്ചമുളക്‌ ,ചെറിയ ഉള്ളി എന്നിവ വഴറ്റുക.
എല്ലാം വഴന്നതിനു ശേഷം തക്കാളി, ഉപ്പ്‌ ,ചേര്‍ക്കുക. വഴന്നാല്‍ മഞ്ഞള്‍പ്പൊടി ചേര്‍ക്കുക.
എല്ലാ ചേരുവകളും നല്ല മൂത്ത മണം വരുമ്പോള്‍ മോരു ചേര്‍ക്കുക. തിളപ്പിക്കരുത്‌. ഒന്ന് ചൂടാക്കിയാല്‍ മാത്രം മതി.

മുട്ട റോസ്റ്റ്‌

ചേരുവകള്‍

മുട്ട - 4
തക്കാളി - 1 വലുത്‌
സബോള - 1 വലുത്‌
ഇഞ്ചി, വെളുത്തുള്ളി പേസ്റ്റ്‌ - 2 ടീസ്പൂണ്‍
പച്ചമുളക്‌ - 2
ചുവന്ന മുളക്‌ - 2
മഞ്ഞള്‍പ്പൊടി -1/2 ടീസ്പൂണ്‍
മല്ലിപ്പൊടി - 1 ടീസ്പൂണ്‍
ഗരം മസാല - 1/2 ടീസ്പൂണ്‍
വെള്ളം - 1/4 ഗ്ലാസ്സ്‌
വേപ്പില - 1 തണ്ട്‌
എണ്ണ - ആവശ്യത്തിന്‍
ഉപ്പ്‌ - ആവശ്യത്തിന്‍

പാകം ചെയ്യുന്ന വിധം

മുട്ട വേവിച്ചു വെക്കുക
എണ്ണ ചൂടാക്കി ഇഞ്ചി, വെളുത്തുള്ളി പേസ്റ്റ്‌ വഴറ്റുക. വേപ്പില,ചുവന്ന മുളക്‌,പച്ചമുളക്‌ ചേര്‍ക്കുക
അതിനു ശേഷം സബോള,തക്കാളി ഉപ്പു ചേര്‍ത്ത്‌ വഴറ്റുക.
വഴന്ന ശേഷം മഞ്ഞള്‍പ്പൊടി ,മുളക്‌ പൊടി,മല്ലിപ്പൊടി,ഗരം മസാല എന്നിവ
ചേര്‍ക്കുക.എല്ലാം വഴന്ന ശേഷം വെള്ളം ചേര്‍ക്കുക.മുട്ട ചേര്‍ക്കുക.
ചെറുതായി തിളപ്പിച്ച്‌ വെള്ളം വറ്റിക്കുക

ചിക്കന്‍ വരട്ടിയത്‌

ചേരുവകകള്‍

1. ചിക്കന്‍ - 1 കിലോ
2. സവാള - 2
3. തക്കാളി - 2
4. പച്ചമുളക്‌ ചതച്ചത്‌ - 3
5. ഇഞ്ചി ചതച്ചത്‌- 1 കഷ്ണം
6. വെളുത്തുള്ളി ചതച്ചത്‌- 8 അല്ലി
7. വേപ്പില - 2 തണ്ട്‌
8. കറുവപ്പട്ട - 2
9. ഗ്രാമ്പൂ - 4
10. ഏലക്ക - 3
11. പെരുംജീരകം - 1/2 ടീസ്പൂണ്‍
12. ചിക്കന്‍ മസാല - 2 സ്പൂണ്‍
13. മുളക്‌ പൊടി - 1 ടീസ്പൂണ്‍
14. മഞ്ഞള്‍ പൊടി - 1 ടീസ്പൂണ്‍
15. മല്ലിപ്പൊടി - 2 സ്പൂണ്‍
16. കുരുമുളക്‌ പൊടി - 2 ടീസ്പൂണ്‍
17. മീറ്റ്‌ മസാല - 1 സ്പൂണ്‍
18.വെളിച്ചെണ്ണ - ആവശ്യത്തിന്
19.ഉപ്പ്‌ - ആവശ്യത്തിന്
20. വെള്ളം - ആവശ്യത്തി

പാകം ചെയ്യുന്ന വിധം
 
ചിക്കന്‍ മസാലയും , മഞ്ഞള്‍ പൊടിയും
ഉപ്പും ചേര്‍ത്ത്‌ ചിക്കന്‍ വേവിക്കുക
എണ്ണ ചൂടാക്കി ഇഞ്ചി ,വെളുത്തുള്ളി
പച്ചമുളക്‌ ,വേപ്പില എന്നിവ വഴറ്റുക
അതിലേക്ക്‌ കറുവപ്പട്ട,ഗ്രാമ്പൂ,ഏലക്ക,
പെരുംജീരകം എന്നിവ ചതച്ച്‌ ചേര്‍ക്കുക
അത്‌ മൂത്തു കഴിഞ്ഞാല്‍ സവാള, തക്കാളി
എന്നിവ ചേര്‍ത്ത്‌ വഴറ്റുക.
വഴന്നാല്‍ കുറച്ച്‌ ഉപ്പു
വേണമെങ്കില്‍ ചേര്‍ക്കാം
പിന്നെ മഞ്ഞള്‍ പൊടി, മുളക്‌ പൊടി,
മല്ലിപ്പൊടി ,കുരുമുളക്‌ പൊടി, മീറ്റ്‌ മസാല,
കുറച്ച്‌ ഗരം മസാല എന്നിവ ചേര്‍ക്കുക.
എല്ലാം വഴന്നു കഴിഞ്ഞാല്‍ ചിക്കന്‍
ചേര്‍ക്കുക . എന്നിട്ട്‌ കുറച്ച്‌ വെള്ളം
ചേര്‍ക്കുക. ചിക്കനില്‍ മസാല പിടിച്ചാല്‍
വാങ്ങി വെക്കുക